Skólasetning og upphaf í Hagaskóla

Skólasetning og upphaf í Hagaskóla

Skólasetning verður mánudaginn 24. ágúst. Í Hagaskóla er skólasetningardagurinn fullur skóladagur þannig að nemendur fara til umsjónarkennara eftir skólasetningu og verða í skólanum til kl. 13:00. Matur verður í hádeginu. 

Nemendur mæta á sal í skólasetningu sem hér segir:

• 8. bekkur kl. 9:00
• 9. bekkur kl. 9:30
• 10. bekkur kl. 10:00
   

Því miður höfum við vegna plássleysis ekki getað boðið foreldrum á skólasetningu en alltaf er nokkuð um að foreldrar 8. bekkinga fylgi sínum börnum og það gengur vel en þið gætuð þurft að standa í salnum. Nemendur fá stundaskrár á skólasetningardaginn.

Á skólasetningardag getur verið gott að koma með skólatöskur en nemendur fá skólagögn og bækur frá skólanum. Í vetur viljum við hvetja nemendur sérstaklega til að koma með vatnsbrúsa með sér til að hafa betra aðgengi að vatni og halda glösunum okkar í salnum.